本身想每日講下書展嘅事，但發覺實在太累，結果每日返到屋企就瞓死咗。
唯有簡單講下呢兩日發生咩事。
書展第一日，企足12個鐘，身心都累了，老婆都陪少咗。
大家可以正式同《跟蹤》講聲永久告別，已經賣哂了，唔會再印了。
講真，《跟蹤》呢本書我個人嚟講幾鐘意，因為內容有哂我十年內所寫嘅故事，睇住佢放咗喺倉到兩年，終於見證佢被永久消失一刻，感到好安慰，希望大家買咗嘅人會鐘意同珍惜。
有讀者要移民，離別時話唔捨得香港同唔捨得我，我感動到傻，大家互相擁抱就告別，祝你生活快樂。
有老師同我傾傾下社會問題傾到眼淚出黎，大家都辛苦了，最後互相加油鼓勵告別。
有讀者送咗cookies我食，仲比咗張心意卡比我，真係好窩心。
有讀者話我比兩年前見面時廋咗好多，好擔心我，感謝關心。
有澳門同工未能到場，但拜託朋友比咗段錄音比我聽，我聽到喊出嚟，眼淚湧住湧住。
得返幾日書展了 （最後一日我唔喺到）
好想見返熟悉面孔，互相鼓勵，互相支持。
希望我嘅書唔洗放倉，多啲人嚟支持或者懲罰我。
我每日都繼續寄預訂嘅書，請耐心等待。
買咗書又想書展拎，可以直接嚟書展搵我。
希望大家有時間可以同我影下相，記下美好一刻。
攤位：1A-E10（洄水文化）
Search